Daraartuu Tulluu
Mardiya Abdullaxiif Hajjii (Goonni Gosa Dhaala)
| Daraartuu Tulluu | |||
|---|---|---|---|
| Ogummaa: | Atileetii | ||
| Biyya: | uiugdgffItoophiyaa | ||
| Guyyaa dhalootaa: | 1972, Bitootessa 21 | ||
| Bakka dhalootaa: | Boqojjii | ||
Daraartuu Tulluu atileetii fiigicha dheeraa tiraakirraa, karaarraa fi maraatooniti. Daraatuun godina Arsiitti, bakka Boqojjii jedhamutti bara 1972, Bitootessa 21 dhalatte. Yeroo ijoollumma ishiis lafa ol ka’aa godina Arsii Boqojjii keessatti loon tiksaa guddatte. Qananiisaanis iddodhuma kanatti guddate.
Daraartuun medaaliyaa warqee Olomppiikii irraatti nyaachudhaan Afrikaa keessaa dubartii ishii jalqabaati. Medaaliyaan warqee Olompiikii bara 1992 irratti nyaatte seenaa moo’icha ishii kan ittiin jalqabde ture. Bara 1993 fi 1994 miidhama jilbaa ishiirra ga’een kan ka’e dorgommii addaan kuttee turte. Bara 1995 dorgommiitti deebi’udhaan, shampiyoonshiippii Qaxxaamura Biyyaa kan Addunyaa IAAF qopheesse irratti warqee fudhattetti.
Bara 1996, Shampiyoonshiippii Qaxxaamura Biyyaa kan Addunyaa IAAF irratti qopheen ishii waan irraa baheef duubaa kaatee afraffaa taate xumurte. 1997tti, Qaxxaamura Biyyaa kan Addunyaa yeroo lammaffaatif yoo moo’attu, Shaampiyoonaa Addunyaa m 10,000 irratti garuu odoo hin hirmaatin hafte.
Daraatuun, bara 1998 fi 1999 mucaa waan deesseef dorgommii irraa fagaattee kan turte yoo ta’u, bara 2000tti dandeettii cimaadhan dorgomitti deebite. Dorgommii m10,000tin Olompiikii irratti warqee yeroo lammaffaatif kan nyaatte yoo ta’u kunis seenaa dorgommii kanaa keessatti dubartii jalqabaa ishii taasise. Akkasumas, Shaampiyoonaa Qaxxaamura Biyyaa kan Addunyaa IAAFn qophaa’e yeroo sadaffaatif moo’atte. Bara 2001tti dorgommii tiraakii m10,000 Edimentenitti kan moo’atte yoo ta’u kun immoo warqee sadaffaa ishii kan Olompiikii fi kan Addunyaa ture. Walumaa galatti, Daraartuun, medaaliyaa warqee kan Olompiikii fi kan Addunyaa 6 qabdi.
Bara 2001tti, maraattoonii Landanii fi Tookiyoo moo’achudhaan dorgommii maraatoonii milkiidhaan jalqabde. Akkasumas walakkaa maraatoonii Poorchugaal bara 2000 fi 2003tti, akkasumas walakkaa maraatoonii Liisban 2003tti moote. Bara 2005tti Shaampiyoonaa Addunyaa irratti sa’aatii saffisa kan dhuunfaa ishii 2:23:30 galmeessudhaan 4ffaa baate. Bara 2009tti, umurii 37tti, Maraatoonii Magaalaa Niwuu Yoork warra akka Paawulaa Raadkiliif, Liyudmiilaa Peetroova, fi Saalina Kosgee moo’achuudhaan warqee nyaattet።
Qabxii ishiin Argatte gulaali
Meetira 10,000 medaaliyaa warqee
- 1991
- Shaampiyoonaa Qaxxaamura Biyyaa kan Addunyaa – Antiweerp, Beeljiyeem
- Medaaliyaa meetii kan fiigicha dheeraa
- Dorgommii Afrikaa Hundaa – Kaayiroo, Ejiipt
- Meetira 10,000n medaaliyaa warqee
- Shaampiyoonaa Qaxxaamura Biyyaa kan Addunyaa – Antiweerp, Beeljiyeem
- 1992
- Olompiikii Gannaa – Baarseloonaa, Ispeen
- Meetira 10,000n medaaliyaa warqee
- Waancaa Addunyaa IAAF – Haavanaa, Kuubaa
- Meetira 10,000n medaaliyaa warqee
- Olompiikii Gannaa – Baarseloonaa, Ispeen
- 1995
- Shaampiyoonaa Qaxxaamura Biyyaa kan Addunyaa – Duuram, Ingilaand
- Medaaliyaa warqee kan fiigicha dheeraa
- Shaampiyoonaa Addunyaa – Guutanbarg, Iswiidin
- Meetira 10,000n medaaliyaa meetii
- Shaampiyoonaa Qaxxaamura Biyyaa kan Addunyaa – Duuram, Ingilaand
- 1997
- Shaampiyoonaa Qaxxaamura Biyyaa kan Addunyaa – Tuurin, Xaaliyaanii
- Medaaliyaa warqee kan fiigicha dheeraa
- Shaampiyoonaa Qaxxaamura Biyyaa kan Addunyaa – Tuurin, Xaaliyaanii
- 2000
- Olompiikii Gannaa – Sidinii, Awustiraaliyaa
- Meetira 10,000n medaaliyaa warqee
- Shaampiyoonaa Qaxxaamura Biyyaa kan Addunyaa – Vilaamura, Poorchugaal
- Medaaliyaa warqee kan fiigicha dheeraa
- Olompiikii Gannaa – Sidinii, Awustiraaliyaa
- 2001
- Shaampiyoonaa Addunyaa – Edimenten, Kaanadaa
- Meetira 10,000n medaaliyaa warqee
- Maraatoonii Landan moo’atte
- Maraatoonii Addunyaa kan Dubartootaa kan Tookiyoo moo’atte
- Shaampiyoonaa Addunyaa – Edimenten, Kaanadaa
- 2004
- Olompiikii Gannaa – Ateensi, Griis(Greece)
- Meetira 10,000n medaaliyaa nahaasii
- Olompiikii Gannaa – Ateensi, Griis(Greece)
- 2009
- Maraatoonii Niwuu Yoorki moo’atte