Muktarabdellageda

Afaan Oromoo Afaan Oromoo (Afaan Oromoo) Kan dubbatamu: Itoophiyaa, Keeniyaa,Taanzaaniyaa,Eeritriyaa,Afrikaa Kibbaa,Suudaan,Misra/Gibxi Naannoo: Afrikaa Dubbattoota: 60.000.000 Sadarkaa: 4ffaa Qooddama: Afroo-Eshiyaatiik Afaan Oromoo Haala Ofiseelummaa Afaan ofiseelaa: Kan too'atu: Koodii ISO 639-1 om ISO 639-2 orm

Bakka itti dubbatamu Kanas ilaali: Afroo-Eshiyaatiik – Afaan Afaan Oromoo afaan baay'innaan Afrikaa keessatti dubbataman keessaa sadarkaa afraffaa irra jira. Kana jechuun afaan Arabaa, afaan kiSwahiliitiif, afaan Hawusaatti aana jechuudha. Afaan Arabaa fi afaan Kiswaahilii afaan biyya ormaa yoo ta'an, Afaan Oromoo afaan Afrikaa keessatti dubbatamu keessaa tokkoffaa ta'a; osoo mootummaa qabaatee immo addunyaa irraatti sadarkaa sadaffaa ta'u ni mala.

Afaan Oromoo kutaa afaanii Afroo-Eshiyaatiik jedhamu jalatti ramadama. Afaan kun Afroo-Asiyaatiik keessaa gare afaanii Kuush jalatti qooddama. Afaanota Kuusha keessa Afaan Oromoo afaan sabni baayyeen dubbatu yoo ta'u, uummata miliyoona 60 ol ta'utu dubbata. Uummatni afaan kana dubbatu Itoophiyaa fi kaaba Keeniyaa keessa jiraata. Akka warri afaan qoratan jedhanitti, Afaan Oromoo loqoda(garee) afur qaba: Oromoo Boorana-Arsii-Gujii, Oromoo Bahaa, Orma, fi Oromoo Dhihaa fi Giddugaleessa ti.