Faaruu jaalalaa

Siif jedheen....... Ija koon si argachuuf Utuun siif kufee ka'uu Karaan ba'e galuuf Garaakoo na danda'uu Siif jedheen godaane Gola qalbii keessaa Yoo ATI na deessites Eessattan si deessaa Utuun jechuu danda'uu Utuun himuu danda'uu Utuun dhaga'uu danda'uu Siif jedhee madaa'uu Moo... Siif jedhee maraadhuu Akkan qullaa buusu Kan darbe yaadadhu Anoo qullaan buusu! Eeyyeen siif jedhee Argaa kee nuffeera Galmee kees cufeera Karaa si biraan na ga'u Hundarraas goreera Siif jedhee maraadhuu Amala keef safaadhu Inni hirkoo hin qabne Kun namaaf gufuudha Namummaa namaa dhabne Gowwummaatti lakkoofte Qilleensa kee machoofte Sadarkaa duraa irraas Gangalattee lafa dhoofte Mee amma siif jedhee Morma kiyya caccabsuu Mee Maal siif jedhee Daddarba kee obsuu? Maal waan taateefis Hammina kee dhoksuu Kufee siif ka'uukoo ATI dadhabina seete Haalakee sii na'uukoo Guurtee narratti of feete Siif jedhen ATI garuu Eessa deemaa jirtaa?

Sin jaaladha yoon siin jedhu sababa isaa nan gaafatin. Maaliifi yoo jettemmoo, ani kanan si jaaladhe sababa tokko malee waan ta'eefi. Ani akka warreen kaanii, mudhiikee, bifa kee, kolfa kee, rifeensa kee, teessuma kee, ija kee akkasumas qabeenyaafi amala keen miti kanan si jaalle. Sababni koo ammoo warreen ani armaan olitti siif caqase martuu guyyaa tokko dhabamuun isaa waan hin oollefi. Namummaa Kee, eenyummaa kee waliin Sababa tokko maleen si jaaladhe. Wantoota ormi ittiin si jaalatan maraa dhabdullee sin jaaladha.